Jikok Untuang Lai Ka Mujua

Jikok marangkak alah denai cubo
Jikok bajalan alah denai kao
Nan balari alah denai raso
Namun untuang masih jauah di palupuak mato
Antah ka bilo ka dakeknyo....


Bak cando si buruang tabang
Kama malayok mancari hiduik
Jikok lai untuang dapek ka dikakok
Jikok nan malang.. di semba si buruang lain...
Tapaso diri mancari ka nan yang lain...

Indak den sasa apo nan tajadi
Yang namonyo hiduik memang baitu
Panuah dek rintangan jo hati ibo...
Jikok untuang lai ka mujua...
Denai kao juo mancarinyo..
Karno nan kuaso indak ka sio-sio
Mancaliak umaiknyo nan tanianyo...


Rinailah hari di tangah padang
Ambiaklah sahalai si daun pisang
Denai langkah kaki jo hati lapang
Bia bisuak denai rasokan sanang...